Łatvija prapanuje zaprasić Makieja na sustreču ministraŭ zamiežnych spraŭ krain «Uschodniaha partniorstva»
Takuju ideju ahučyŭ kiraŭnik łatvijskaha MZS Edhars Rynkievičs.
Edhars Rynkievičs prainfarmavaŭ kalehaŭ z krainaŭ EZ pra svaju niadaŭniuju sustreču ź ministram zamiežnych spraŭ Biełarusi Ŭładzimieram Makiejem i adznačyŭ važnaść adkaznaha ŭdziełu abodvuch bakoŭ u dyjalohu EZ i Biełarusi.
«Biełaruś pavinna palepšyć sytuacyju ŭ sfery vykanańnia palityčnych svabodaŭ i kaštoŭnaściaŭ, a EZ, acaniŭšy jaje prahres u hetaj sfery, — adnavić palityčny dyjaloh ź Biełaruśsiu i aktyvizavać praktyčnaje supracoŭnictva ŭ roznych halinach», — zajaviŭ łatvijski ministar.
Rynkievičs prapanavaŭ zaprasić na sustreču ministraŭ zamiežnych spraŭ krain «Uschodniaha partnerstva», jakaja projdzie ŭ lipieni, taksama kiraŭnika biełaruskaha MZS.
Ministry zamiežnych spraŭ Biełarusi i Łatvii Ŭładzimier Makiej i Edhars Rynkievičs sustrelisia 10 krasavika ŭ Viciebsku.
Ministar zamiežnych spraŭ Biełarusi Ŭładzimier Makiej uvachodzić u śpis biełaruskich čynoŭnikaŭ, jakim zabaronieny ŭjezd na terytoryju EZ.