Pad Brestam pavodka zatapiła ahrasiadzibu, daviałosia evakuiravać haściej — fota
U Bresckim rajonie pavodka padtapiła padvorak turystyčnaha kompleksu «Ryńkoŭka».
U Bresckim rajonie pavodka padtapiła padvorak turystyčnaha kompleksu «Ryńkoŭka».
U Bresckim rajonie pavodka padtapiła padvorak turystyčnaha kompleksu «Ryńkoŭka».
U Bresckim rajonie ratavalniki z-za padtapleńnia padvorka turystyčnaha kompleksu «Ryńkaŭka» evakuiravali ludziej z haściavych damoŭ.
Jak paviedamiŭ BiełaPAN pres-sakratar Bresckaha abłasnoha ŭpraŭleńnia MNS Siarhiej Mašnoŭ, 22 krasavika ŭ centr apieratyŭnaha ŭpraŭleńnia UMNS pastupiła infarmacyja pra toje, što ŭ haściavych damach znachodziacca turysty, jakija nie mohuć pakinuć ich z-za padjomu vady. Hłybinia padtapleńnia padvorka skłała 30-40 sm. Pry hetym asnoŭny budynak turystyčnaha kompleksu z hatelem znachodzicca na ŭzvyššy i nie padtopleny.
Na miesca prybyło adździaleńnie vadałazna-ratavalnaj słužby pažarnaha avaryjna-ratavalnaha atrada.
Z dapamohaj łodki rabotniki MNS z domikaŭ evakuiravali ŭ budynak hatela vosiem čałaviek, ź ich dvoje dziaciej. Paciarpiełych niama.
Turystyčny kompleks «Ryńkaŭka» znachodzicca niedaloka ad vioski Ciuchiniči. Na terytoryi abjekta raźmieščany haściavyja damy, restaran z hatelem, a taksama haspadarčy błok dla ŭtrymańnia žyvioł.