U dzionnym efiry BiełMuzTV u subotu niekalki chvilin pakazvali žorstkaje porna
dapoŭniena
Pra heta Tut.by amal adnačasova paviedamiła niekalki čytačoŭ. Prykładna ŭ 15.45 muzyčnyja klipy pierapynilisia tranślacyjaj parnahrafičnaha videa.
«Vidać, pa techničnym zboi abo pa niečaj pravakacyi išło videa parnahrafičnaha charaktaru. U kadry žančyna i mužčyna z aholenymi hienitalijami ŭ bujnym płanie. Biełaruskaje TB praciahvaje radavać».
«Na BiełMuzTV siońnia minimum dziesiać chvilin pakazvali porna kala 15:50».
«Ja adzin siońnia bačyŭ jak porna žorstkaje krucili pa BiełMuzTV ci jašče chto?? U 15.50. Paśla zvanka ŭ techpadtrymku adklučyli praz paru chvilin. Voś śpiecyjalisty! Dzieci doma ... Dumaju pra isk u sud ...».
Dyrektar telekanała BiełMuzTV Alaksandr Kapionkin paćvierdziŭ fakt incydentu,ale pakul admoviŭsia što-niebudź kamientavać, paviedamlaje Tut.by
Navina pra pornasiužet pa BiełMuzTV uzarvała biełaruski Interniet.Karystalniki sacyjalnych sietak paviedamlajuć, što heta nie pieršy vypadak na kanale, a taksama zaznačajuć,
što siońniašni siužet bačyli naviedniki HC «Stalica». Jak viadoma, u kramach i kaviarniach tam akurat pa televizarach demanstrujuć BiełMuzTV.
Hledačy zaznačajuć, što pierad hetym na kanale było pakazana niekalki klipaŭ hurtu «Lapis Trubiacki», u tym liku «Hraj».
Samyja daścipnyja zaklikajuć nie ździŭlacca, maŭlaŭ apošnija niekalki hod -- prahrama aficyjnych biełaruskich telekanałaŭ - sucelnaje porna.