Lidar Dire Straits admianiŭ kancerty ŭ Rasii ŭ znak palityčnaha pratestu
Brytanski muzykant, śpiavak i kampazitar, zasnavalnik hurtu Dire Straits Mark Nopfler admianiŭ kancerty ŭ Maskvie i Sankt-Pieciarburhu ŭ znak pratestu suprać cisku na niekamiercyjnyja arhanizacyi.
«Z-za cisku, jaki rasijskija ŭłady akazvajuć na arhanizacyi, takija jak Amnesty International i Human Rights Watch, ja sa škadavańniem vyrašyŭ admianić zapłanavanyja na červień kancerty ŭ Maskvie i Sankt-Pieciarburhu», — zajaviŭ muzyka.
«Mnie zaŭsiody padabałasia vystupać u Rasii, i ja vielmi lublu hetuju krainu i jaje narod. Spadziajusia, što atmaśfiera tam chutka źmienicca», — napisaŭ Mark Nopfler na svaim aficyjnym sajcie.
Uletku 2012 hoda, kali ŭdzielnicy pank-hurtu Pussy Riot atrymali turemny termin, Nopfler taksama krytykavaŭ rasiejskija ŭłady, zajaviŭšy, što prysud u dačynieńni da maładych žančyn, jakija vykazali svoj pratest, prynižaje Rasiju ŭ vačach suśvietnaj supolnaści.
Čytajcie taksama:
Kamientary da artykuła