Maksim Mirny atrymaŭ prestyžnuju premiju Jeŭrapiejskaj tenisnaj fiederacyi

Maksim Mirny ŭdastojeny premii Jeŭrapiejskaj tenisnaj fiederacyi (Tennis Europe). Cyrymonija ŭručeńnia ŭznaharod prajšła 23 sakavika ŭ Talinie ŭ miežach 39-j štohadovaj hienieralnaj kanfierencyi Tennis Europe.

Pavodle źviestak pres-słužby Biełaruskaj tenisnaj fiederacyi, pryz dla Mirnaha atrymaŭ vykanaŭčy dyrektar BTF Ihar Kuźmin. Uznaharoda znachodzicca ŭ minskim ofisie fiederacyi i najbližejšym časam budzie pieradadziena hulcu.

Jak adznačaje pres-słužba Tennis Europe, usiaho było ŭručana dzieviać premij. Łaŭreataŭ vyłučali nacyjanalnyja asacyjacyi z ulikam uniosku ŭ raźvićcio vidu sportu i kiraŭnictva im. Siarod uładalnikaŭ hetaha pryza Mirny — adziny dziejny spartsmien.

Na kanfierencyi ŭ Talinie taksama byli adznačany pośpiechi biełaruskaj tenisistki Iryny Šymanovič, jakaja zaviaršyła 2012 hod na pieršym radku jeŭrapiejskaha rejtynhu siarod dziaŭčat da 16 hadoŭ. Załaty miedal i śpiecyjalny dypłom čakajuć dziaŭčynu ŭ Minsku paśla viartańnia ź mižnarodnaha turniru ŭ Turcyi.

Kamientary da artykuła