Śviedka stralby ŭ Mazyry: U milicyjantaŭ nie było inšych varyjantaŭ + foty
Źjavilisia fotazdymki, zroblenyja adrazu paśla incydentu.
Mazyrski rajonny adździeł Śledčaha kamiteta raspačaŭ kryminalnuju spravu ŭ dačynieńni da čaćviarych žycharoŭ horada, jakija 17 cakavika kala restarana «Ełada» akazali supraciŭ supracoŭnikam milicyi. Samy starejšy z chulihanaŭ 1983 hoda naradžeńnia, samy małodšy — 1992-ha. Pavodle supracoŭnikaŭ milicyi, maładyja ludzi byli niećviarozyja, jany niecenzurna łajalisia i na zaŭvahu supracoŭnikaŭ pałka PPSM UUS Homielskaha abłvykankama adreahavali ahresiŭna. Staršaha praparščyka milicyi udaryli raźbitaj plaškaj pa hałavie. Rašeńnie prymianić zbroju pryniaŭ małodšy siaržant — jon rascaniŭ situacyju jak pahrozu zdaroŭju i žyćciu svaich kalehaŭ. Milicyjant zrabiŭ papieradžalny streł, a potym try prycelnyja streły pa nahach chulihanaŭ.
Na dadzieny momant pravodzicca pravierka. Jana, u tym liku, daść adkaz pra pravamiernaść prymianieńnia tabielnaj zbroi supracoŭnikam milicyi.
U internecie źjavilisia fotazdymki, zroblenyja adrazu paśla incydentu. Na ich bačnaja hrupa milicyjantaŭ, małady čałaviek z prastrelenaj nahoj i «chutkaja».
Adzin sa śviedkaŭ zdareńnia kaža, što ŭ hetaj situacyi ŭ milicyjantaŭ nie było inšaha vyjścia.