Astranaŭt sfotkaŭ Miensk z kosmasu — fotafakt
Kanadski astranaŭt Krys Chedfiłd, kiraŭnik ekipažu Mižnarodnaj kaśmičnaj stancyi za niapoŭnyja try miesiacy, jakija znachodzicca ŭ kosmasie, staŭ zorkaj sacyjalnych miedyja. Jaho staronki ŭ Facebook i Twitter čytajuć sotni tysiač čałaviek. Siońnia jon vykłaŭ fotazdymak Mienska z arbity MKS, jaki kamanda namahałasia zrabić ciaham niekalkich miesiacaŭ.
«Pośpiech! Na praciahu mnohich miesiacaŭ my sprabavali atrymać čystaje fota Mienska, Biełaruś, rodnaha horada ščaślivaha ŭdzielnika ekipaža MKS Aleha Navickaha»,— napisaŭ Krys Chedviłd u Twitter, vykłaŭšy kaśmičnaje fota stalicy Biełarusi.
Aleh Navicki, jakoha pryhadvaje Chedviłd, — heta rasijski kasmanaŭt biełaruskaha pachodžańnia, što znachodzicca na MKS z kastryčnika 2012 hoda. Navicki naradziŭsia ŭ horadzie Červień Minskaj vobłaści. U sakaviku jahonaja misija na mižnarodnaj kaśmičnaj stancyi zakančvajecca. Ad taho, napeŭna, mahčymaść atrymać narešcie jakasny zdymak stalicy svajoj radzimy z MKS asabliva važnaja.
Kanadski astranaŭt aktyŭna adnaŭlaje Twitter i Facebook z 21 śniežnia, jak prybyŭ na MKS. Jon pościć fotazdymki, kamientuje nadvorje i pieradaje daścipnyja pryvitańni ziamlanam. U hetaj spravie astranaŭtu dapamahajuć syny, što zastalisia ŭ Kanadzie. Sprava idzie vielmi dobra — na dadzieny momant kolkaść čytačoŭ u Tviter nabližajecca da 500 tysiač.