Hišpanskija panki trapili pad Mienskam u avaryju

Kancert u padtrymku Horadni ź ich udziełam pieranosicca na bolš poźni termin

Tvorčaja akcyja «Muzyki suprać razbureńnia Harodni», u jakoj byŭ zapłanavany ŭdzieł rokavaha hurta ź Ispanii Ictus, admienienaja z pryčyny darožnaj avaryi, u jakuju ŭčora patrapili muzyki.

Muzyki hišpnskaha hurta Ictus patrapili ŭ avaryju na trasie ŭ 130 kiłamietrach ad Minsku ŭ Krupskim rajonie na mašynie «Pežo», prykładna ab 11‑j hadzinie. Nie pašancavała dvum muzykam, jakija špitalizavany ź pierałomami. U adnaho z muzykaŭ złamanyja rebry, a voś bubnaču kamandy rabili apieracyju na pazvanočniku 6 hadzin.

Ictus źbiraŭsia vystupić ŭ Hrodnie ŭ miežach turne pa Rasii i Biełarusi. U Hrodna jany pavinny byli pryvieźci z saboj aparaturu.

Z etyčnych mierkavańniaŭ muzyki ź biełaruskich hurtoŭ DEVIATION, HATRED i kolišni lider hurta Kaljan Alaksandr Dzianisaŭ vyrašyli adkłaści kancert u miežach akcyi «Muzyki suprać razbureńnia Harodni» na inšy termin.

Nahadajem, kampanija «Muzyki suprać razbureńnia Harodni» na znak pratestu suprać źniščeńnia hrodzienskimi ŭładami histaryčnaj častki Hrodna raspačałasia 22 maja kancertam barda Viktara Šałkieviča. Z taho času svaje kancerty ŭ horadzie dali Kasia Kamockaja, Lavon Volski, Alaksandr Pamidoraŭ.

Vacłaŭ Halimski, Radyjo Racyja

Kamientary da artykuła