U Fłarydzie (ZŠA) mužčyna ŭ spalni pravaliŭsia pad ziamlu: vyratavalniki nie zmahli jaho znajści
Hety dom źniasuć.
Vyratavalniki ŭ amierykanskim štacie Fłaryda spynili pošuki cieła mužčyny, jaki zvaliŭsia ŭ pravał hruntu ŭ jaho ŭłasnaj spalni ŭ čaćvier.
Śpiecyjalisty ŭdakładnili, što hłybinia pravału nie vyznačanaja i vyciahnuć cieła 37 hadovaha Džefa Buša nie ŭjaŭlajecca mahčymym.
Trahiedyja razyhrałasia ŭ nievialikim horadzie kala Tampy nočču 28 lutaha:z-za pravału hruntu pad domam raptam utvaryłasia jama hłybinioj šeść i dyjamietram dziesiać mietraŭ, u jakuju i zaciahnuła mužčynu.
Jašče piać čałaviek, jakija znachodzilisia ŭ domie, nie paciarpieli.
Pravały ŭ centralnaj častcy Fłarydy — častaja źjava.Tam šmat padziemnych karstovych piačor, jakija mohuć razburycca
Ale zvyčajna ŭtvarajucca tolki niehłybokija varonki, a vypadki śmierciaŭ redkija.