Čelabinski fatohraf apublikavaŭ kadry vybuchu mietearyta
«Pieršaje, pra što ja padumaŭ — heta zusim nie mietearyt, a jadziernaja bomba».
Čelabinski fatohraf Marat Achmietvalejeŭ apublikavaŭ u svaim dziońniku fotazdymki vybuchu mietearyta. U toj dzień jon vybraŭsia za horad fatahrafavać pryrodu.
Za try chviliny da ŭspyški.
«U hety momant ŭspyška dasiahnuła svajho apahieju, i ŭsio vakoł było zalita jarkim śviatłom».
«U hety momant ŭspyška dasiahnuła svajho apahieju, i ŭsio vakoł było zalita jarkim śviatłom».
Całkam fotarepartaž hladzicie tut.
Voś jak fatohraf apisvaje padzieju i svaje pieražyvańni ad ubačanaha.
Źjaŭleńnie abjekta było niečakanym! Kamiera stajała na štatyvie i była nakiravana amal u toj bok, ź jakoha źjaviŭsia abjekt. Ja nachiliŭsia da kamiery, kab pamianiać rakurs i zrabić jašče adzin kadr dla panaramy. U hety momant bakavym zrokam ja ŭbačyŭ jarkuju ŭspyšku. Spačatku jana była nievialikaha pamieru. Tut ža paviarnuŭ kamieru ŭ bok abjekta, i ŭ hety momant ŭspyška dasiahnuła svajho apahieju, i ŭsio vakoł było zalita jarkim śviatłom.
Dumki byli zbłytalisia. Pieršaje, pra što ja padumaŭ — heta zusim nie mietearyt, a jadziernaja bomba. Tut ža ŭspomniŭ ab paviedamleńniach ŚMI ab niejkim asteroidzie i mahčymym jaho zbližeńni ź Ziamloj. Potym byli dumki pra samalot, jaki paciarpieŭ krušeńnie.
U pieršyja siekundy pačaściłasia sercabićcie i dychańnie, a taksama treślisia ruki, što, chutčej za ŭsio, było nastupstvami šoku ad ubačanaha. Kali ŭspyška stała maksimalna jarkaj, ja adčuŭ dosyć mocny žar na tvary (heta praciahvałasia litaralna doli siekundy).
U momant jarkaj ŭspyški ja taksama adčuŭ mocnuju reź u vačach ad niaścierpna jarkaha śviatła. Bolš nijakich fizičnych adčuvańniaŭ nie było. Dalej, praź dźvie chviliny paśla ŭspyški, adbyłasia sieryja vybuchaŭ — huk byŭ nie raskacisty, a vyrazny i vielmi mahutny.Pieršy vybuch byŭ samy mocny, ale ja adčuŭ tolki sam chłapok. Nijakich fizičnych adčuvańniaŭ i vibracyj ja nie adčuŭ, bo znachodziŭsia daloka ad bietonnych zbudavańniaŭ i daroh. Adrazu ž paśla sieryi vybuchaŭ nad chvajovym boram, što niepadalok, vialikaja kolkaść ptušak padnialisia ŭvierch, i jany palacieli ŭ roznyja baki.