Čamu Łukašenka na «selektary» byŭ taki łahodny
Eksperty miarkujuć, što prezydent vyrašyŭ dać pieradychnuć namenklatury pamiž razhonam siłavikoŭ i nia vielmi pryjemnaj vosieńniu.
Ekśpiert Leanid Zaika ličyć, što prezident Biełarusi vyrašyŭ dać pieradychnuć namienkłatury pamiž razhonam siłavikoŭ i nie vielmi pryjemnaj vosieńniu.
U intervju Racyi kiraŭnik analityčnaha centra «Stratehija» Leanid Zaika zaŭvažyŭ, što Alaksandr Łukašenka zaŭsiody byŭ i zastajecca dobrym intuivistam i akcioram.
‑ Paśla šeraha takich pierastanovak jon razumieje — raznosy bolš rabić nie treba. A zroblena było važnaje — hałoŭnyja ludzi Kamiteta dziaržbiaśpieki zvolnieny sa svaich pasadaŭ. Plus situacyja ź niekatorymi kiraŭnikami bujniejšych pradpryjemstvaŭ, u tym liku i ŭ enierhietyčnaj śfiery. Ale ž prezident viedaje, što namienkłatura taksama ŭmieje ahryzacca. Tamu na «sielektary» i nie było niejkich raznosaŭ, bo treba ž było supakoić namienkłaturu. Tym bolš, što nastupaje para adpačynkaŭ.
Leanid Zaika miarkuje, što čarha novych achviaraŭ pryjdzie ŭ kastryčniku‑listapadzie, bo «mienavita tady ekanamičnaja situacyja budzie horšaj».
‑ Jon ich pierad hetym šuhanuŭ, pastrašyŭ, a potym uspomniŭ, što nastupić kastryčnik‑listapad. Tady i źjavicca novaja achviara, naprykład, Siarhiej Sidorski.
Ekśpiert ličyć, što sielektarnaja narada była raźličana mienavita na hramadstva:
‑ Pa telebačańni Alaksandr Łukašenka zaŭsiody pracuje na masavaha hledača. Nie na Siarhieja Sidorskaha, ci, naprykład, siamju vice‑premjera. Heta možna nazvać sieansam psichaterapii dla biełarusaŭ.