Byłoha pałkoŭnika HRU Kvačkova asudzili na 13 hadoŭ za padrychtoŭku paŭstańnia
Takoje rašeńnie ŭ piatnicu vynies Maskoŭski haradski sud. Uvieś termin źniavoleńnia Uładzimir Kvačkoŭ praviadzie ŭ kałonii strohaha režymu.
Kvačkoŭ svajoj viny nie pryznaŭ. Adstaŭny pałkoŭnik zajaviŭ, što rychtavaŭsia nie da miaciažu, a «da partyzanskaj vajny na vypadak mahčymaha ŭvarvańnia niepryjaciela». Bo jon mieŭ sumnievy ŭ bajavych jakaściach rasijskaj armii.Byłoha pałkoŭnika Hałoŭnaha raźviedvalnaha ŭpraŭleńnia pryznali vinavatym u schileńni i viarboŭcy ludziej da ŭzbrojenaha buntu i ŭ padrychtoŭcy ŭzbrojenaha vystupleńnia.
Kvačkoŭ u svoj čas naviedvaŭ taksama Biełaruś i pryznavaŭsia ŭ zachapleńni palityčnym kursam i ładam RB.