Avierkaŭ kidaje ANT i źjazdžaje ŭ Maskvu? «Nijaki kastynh ja nie prachodziŭ»

Abnoŭlena

Viadučy ANT Alaksandr Avierkaŭ prachodziŭ kastynh na telekanale ŭ Maskvie. Na Hramadskim telebačańni Rasii jon pabyvaŭ 30 studzienia.

Fota z kastynha na sajcie otr-online.ru. Paśla publikacyi fota ŭ biełaruskich ŚMI jano źnikła z sajta Hramadskaha rasijskaha telebačańnia 5 lutaha ŭdzień.

Avierkaŭ pracuje na telekanale ANT, viadzie prahramy «Našy naviny» i «Kontury». Jamu 53 hady. Jahonym hołasam ahučvajucca aficyjoznyja tranślacyi.

Fota Alaksandra Avierkava z kastynha viadučych źjaviłasia na sajcie rasijskaha telekanała.

Hramadskaje telebačańnie Rasii — novy rasijski fiederalny telekanał, jaki «stvarajecca na pryncypach hramadskaha viaščańnia». Start telekanała zapłanavany na 19 maja.

«Nidzie ja ničoha nie prachodziŭ», — skazaŭ «NN» Alaksandr Avierkaŭ, paśla čaho suviaź pierarvałasia. Bolej viadučy słuchaŭku nie padymaŭ.

Uviečary pres-słužba ANT dała aficyjny kamientar internet-haziecie «Salidarnaść»: «Alaksandr maje prava jeździć pa roznych krainach i ŭdzielničać u roznych kastynhach. Naš kanał nie nakładvaje nijakich abmiežavańniaŭ na ŭdzieł u padobnych kastynhach na inšych telekanałach.

Jon nie abviarhaje svajho ŭdziełu, ale nie źbirajecca sychodzić z kanała.

U 2006 hodzie Alaksandr Łukašenka ŭznaharodziŭ Avierkava miedalom Franciška Skaryny.

U 2010 z paŭviekavym jubilejem Avierkava Alaksandr Łukašenka vinšavaŭ asabista. «Ja dahetul nie mahu pryjści ŭ siabie, — cytavała Alaksandra Avierkava pres‑słužba telekanała ANT. — Vinšavańnie ad Alaksandra Łukašenki — pryznańnie i vielizarnaja adkaznaść».

Kamientary da artykuła