Biełaruskich dalnabojščykaŭ złavili ŭ Łatvii z amal miljonam kantrabandnych cyharet
Pavodle infarmacyi pres-centra Słužby dziarždachodaŭ Łatvii, na minułym tydni mytniki praviali niedaloka ad KPP Paternijeki pravierku dvuch hruzavych aŭtamabilaŭ, padčas jakich było znojdziena amal 900.000 kantrabandnych cyharet z akcyznymi markami Respubliki Biełaruś.
Jak adznačajuć u SHD, hruzavyja fury ź biełaruskimi numarami spynili na darozie Daŭhaŭpiłs -- biełaruskaja miaža, paśla jaho na KPP Paternijeki byli praviedzieny pilnyja pravierki abiedźviuch mašyn.
U śpiecyjalna abstalavanych tajnikach dalnabojščyki sprabavali pravieźci 897.540 cyharet Premjer, Minsk superslim, West, NZ Gold Superslim, Fest, Queen Mentol.
24 studzienia abodva kiroŭcy byli adpuščanyja pad załoh. Śledstva praciahvajecca.