Viasiołaja budučynia seksu

Seksołahi zaścierahali, što pieradavyja technałohii seks-industryi mohuć pahoršyć adnosiny pamiž ludźmi.

Štučnyja, na ŭsio zhodnyja partniory ŭ łožku, štučnaje, ale padmannaje ŭzmacnieńnie połavaj siły z dapamohaj raznastajnych vijahraŭ, kampjutarny seks na kožny hust. Niama harantyi, što heta nie źniščyć naturalny seks, — kazali seksołahi.

Centralnaja dumka seksołahaŭ była: technałohii, što musiać zadavolić čałaviectva ŭ połavym pytańni, apanoŭvajuć taksama śfieru mižludskich adnosinaŭ.

«Najbolš turbuje toje, što sučasnyja sposaby seksualnaha zadavalnieńnia ŭsio mienš patrabujuć prysutnaści inšaha čałavieka», — try hady tamu kazała doktarka Džulija Chiejman, kiraŭnica ńju-jorkskaha Centra seksualnaści i apładnieńnia. Chiejman mieła na ŭvazie raspaŭsiud virtualnych luboščaŭ, pornasajty i kampjutarnyja prahramy, jakija imitujuć połavy akt.

Kali čałaviectva budzie nadta chilicca ŭ bok virtualnaha seksu, ludzi adno adnamu stanuć prosta nie patrebnyja. I hetaja katastrofa ŭžo nie za harami. U budučym, kali luboŭny akt budzie imitavać prysutnaść pobač lubimaj madelki, kamu zachočacca «marnavać» čas na žančynu, u jakoj «balić hałava»?

«Paścielnaje žyćcio ni ŭ koha nie daskanałaje na ŭsie 100 adsotkaŭ, — kazała Chiejman, — tamu ludzi całkam pieraklučacca na virtualnych partnioraŭ, što pahražaje im, u dadatak, niemahčymaściu avałodać asnoŭnymi navykami sapraŭdnaha seksu».

Adnak pa prašeści troch hadoŭ možna kazać, što tryvohi amierykancaŭ akazalisia daremnymi. Ludzi jak patrabavali pobač druhoha čałavieka, tak i patrabujuć. Ani kampjutar, ani 10-D-efiekty nie zdolny zamianić čałavieku siamji. Čałaviečaje ŭ čałavieku čarhovy raz pieramahło. A da kampjutaraŭ i vijahraŭ mižludskija adnosiny prystasavalisia tak, jak u minułym prystasoŭvalisia da źniknieńnia mamantaŭ i našeścia varvaraŭ. Notku raznastajnaści sučasnaść uniesła. Stała krychu viesialej, ale horš nie stała.

Kamientary da artykuła