Ładućka: Dvuchpaviarchovyja damy ŭ Minsku treba znosić, bo treba budavać šmatpaviarchoviki
Žyłyja kvartały, utvoranyja vulicami Bahdanoviča-Kisialova-Kujbyšava-Kamunistyčnaj, niekalki hod čakajuć svajho losu.
U Minsku razhladajecca varyjant znosu dvuchpaviarchovych damoŭ dla budaŭnictva šmatpaviarchovak. Pra heta paviedamiŭ siońnia žurnalistam staršynia Minharvykankama Mikałaj Ładućka.
Pa słovach Mikałaja Ładućki, dla horada heta novaja tema, i jana patrabuje ŭvažlivaha vyvučeńnia.
Sa znosam dvuchpaviarchovych damoŭ baračnaha typu, jakich u stalicy dastatkova, źjaviacca terytoryi dla žyllovaha budaŭnictva.Istotna źniziacca vydatki na stvareńnie infrastruktury: u mikrarajonach užo jość dziciačyja sadki, škoły, palikliniki. Razam z tym nieabchodnaść znosu pryviadzie da padaražeńnia kvadratnaha mietra, bo žycharam znosimych dvuchpaviarchovikaŭ treba vydzialać uzamien žyllo.
Mikałaj Ładućka nie vyklučaje, što takija padychody ŭ niekatorych haradžan mohuć vyklikać nierazumieńnie, ale realnaść takaja, što ŭ Minsku praktyčna nie zastałosia svabodnych dla ŭźviadzieńnia žylla terytoryj. Nie paźbiehnuć horadu i ŭščylnieńnia zabudovy. Kamitetam architektury i horadabudaŭnictva, budaŭnictva i inviestycyj daručana raspracavać kancepcyju rehienieracyi terytoryj rajonaŭ dvuchpaviarchovaj zabudovy z zamienaj na bolš jakasnaje žyllo.