Vyniesieny prysud mužčynu, jaki 20 chvilin źbivaŭ maci-invalida
Ilustracyjnaje fota
Jon spyniŭsia tolki tady, kali žančyna zapaŭzła pad łožak. Ekśpierty-psichijatry vyznačyli, što ŭ toj čas 45-hadovy mužčyna byŭ nie ŭ sabie.
Usio adbyłosia viečaram 29 lipienia ŭ Vilejcy. Syn viarnuŭsia z raboty damoŭ, dzie žyvie ŭdvaich z 73-hadovaj maci, niećviarozym i zapatrabavaŭ ad žančyny viačeru.
Raptam jamu padałosia, što maci vielmi marudna nakryvaje na stoł. Jon pačaŭ kryčać na jaje.Žančyna štości adkazała, i tady syn padchapiŭsia i ŭdaryŭ kułakom dva razy ŭ tvar. Z nosa ŭ jaje pajšła kroŭ.
Žančyna maje druhuju stupień invalidnaści z-za chvaroby sustavaŭ. Joj składana chadzić ci rabić niejkuju fizičnuju pracu. Navat nažom parezać chleb – prablema.
Tamu jana nie mahła ni supraciŭlacca, ni ŭciačy. Žančyna prosta nakiravałasia da dźviarej, kab vyjści z domu.
Kali jana ŭžo była na vierandzie, syn dahnaŭ, udaryŭ zzadu ŭ śpinu try razy i zaharadziŭ vychad.
Maci viarnułasia ŭ pakoj, tam syn pichnuŭ jaje zzadu, i žančyna pavaliłasia na padłohu tvaram uniz u mietry ad łožka. Syn pačaŭ źbivać jaje nahami i draŭlanaj ručkaj matyki pa hałavie, ciele, rukach i nahach.
Žančyna nie mahła padniacca, jana marudna paŭzła pad łožak. Kali zapaŭzła, syn užo nie moh jaje dastać. Supakoiŭsia i pajšoŭ spać.
Praz 15 chvilin žančyna pačuła, što syn śpić, i vylezła. Praz dva dni jana vyjšła na vulicu i paprasiła susiedziaŭ vyklikać “chutkuju dapamohu”. Jaje pakłali ŭ balnicu.
Ekśpierty-psichijatry vyznačyli, što syn byŭ nie ŭ sabie, kali źbivaŭ maci. Z-za złoŭžyvańnia ałkaholem jon maje rasstrojstva psichiki.
Sud pryznačyŭ abvinavačanamu dva hady pazbaŭleńnia voli biez nakiravańnia ŭ vypraŭlenčuju ŭstanovu adkrytaha typu.
Taksama jaho buduć prymusova lačyć ad rasstrojstva psichiki. Za im budzie nazirać doktar-psichijatr. Mužčynu buduć lačyć i ad chraničnaha ałkahalizmu.