Kitaj: adbyŭsia pieršy za 20 hadoŭ pratest suprać cenzury ŭ ŚMI
Redakcyja kitajskaj haziety Southern Weekly pačała strajk — žurnalisty pratestujuć suprać umiašańnia ŭładaŭ u redakcyjnuju palityku. Upieršyniu za 20 hadoŭ žurnalisty najbujniejšaj haziety vystupili suprać cenzury.
Natoŭp sabraŭsia kala ofisa vydańnia ŭ horadzie Huandžou, stalicy pravincyi Huandun.
Pratest razhareŭsia praz tydzień paśla taho, jak redakcyja była vymušanaja zamiest vinšavańnia z Novym hodam, pastavić na pałasu chvalebnyja artykuły ab kirujučaj partyi.