Ivonka Surviła źviarnułasia z navahodnim vinšavańniem
Staršynia Rady BNR Ivonka Surviła źviarnułasia z navahodnim pryvitańniem.
Darahija surodzičy!
Boh nam daŭ cudoŭny kraj, jaki naradziŭ bieźlič vialikich mastakoŭ, muzykaŭ, paetaŭ, dobrych ludziej. Boh nam daŭ adnu z najpryhažejšych movaŭ u śviecie. Naš narod pracavity, talenavity, žyćciazdolny. Siońnia my mahli b žyć zamožna i ščaśliva ŭ centry Eŭropy. Ciažka zrazumieć, čamu my stalisia apošniaj dyktaturaj Eŭropy, i jak my pahadzilisia z hetym. Žyviom pad botam čałavieka, jaki nia varty nas, nia lubić nas, ździekujecca nad najlepšymi synami našaha narodu, nad usim, što darahoje biełaruskaj dušy.
I jak nia dziŭna, jany taksama pieražyli doŭhija peryjady denacyjanalizacyi. I jany chacieli zraŭniacca z kalanizatarami, admaŭlajučysia ad svaich karanioŭ, ad svajoj movy, ad suviaziaŭ sa svaimi zmaharami za volu. Zamiž kab lubić i pavažać ich, jany bačyli ŭ ich abliččy tolki svaju ŭłasnuju biadu.U historyi, adnak, nie adnych nas napatkaŭ taki los. Z žacham čytaju pra dośvied inšych narodaŭ, byłych achviaraŭ imperyjalizmu XIX i XX stahodździaŭ.
Darahija surodzičy! Dzialusia z Vami hetymi dumkami napiaredadni Novaha hodu z nadziejaj, što zadumajemsia razam nad tym, da čaho nas daviała doŭhaja niavola. Mahčyma, kab canić, lubić i pavažać adzin adnaho, nam treba prypomnić, što my ŭsie syny i dočki taje samaje biełaruskaje ziamli. Mo chapiła b hetaha, kab adčuć u našych sercach salidarnaść miž nami i moc hetaje salidarnaści.
Biełaruś — niezaležnaja kraina. My majem prava vymahać, kab tyja, što nami kirujuć, šanavali nas, kab stavilisia z pavahaj da našaj voli i canili našyja kaštoŭnaści.My majem prava havaryć, što chočam, źbiracca, kali chočam, pracavać i vučycca, dzie chočam. My jość haspadarami našaje ziamli.
I kraj naš zmoža narešcie zaniać svajo pačesnaje miesca miž inšymi paŭnavartasnymi krainami suśvietnaj siamji narodaŭ.Kali my heta zrazumiejem — my šmat nablizimsia da ździajśnieńnia našych letucieńniaŭ pra volnuju i zamožnuju Biełaruś.
Z hłybini serca žadaju usim nam, kab heta stałasia ŭžo ŭ Novym, 2013 hodzie. Žyvie Biełaruś!