Łukašenka prapanuje pryviazać studentaŭ da vytvorčaści

28.12.2012 / 21:37

Alaksandr Łukašenka patrabuje ad VNU bolšaj aryjentacyi na praktyčnaje navučańnie. Ab hetym jon zajaviŭ 28 śniežnia, prymajučy kadravyja rašeńni.

Źviartajučysia da rektara Biełaruskaha handlova-ekanamičnaha ŭniviersiteta spažyvieckaj kaapieracyi Śviatłany Lebiedzievaj, Łukašenka nahadaŭ asnoŭnyja pryncypy, jakija siońnia vyznačany ŭ sistemie vyšejšaj adukacyi, a mienavita kampaktnyja prahramy navučańnia, skaračeńnie ŭ suviazi z hetym ich terminaŭ i aryjentacyja na praktyku. «Vašy budučyja śpiecyjalisty pavinny bolš pracavać na pradpryjemstvach, kudy jany pryjduć. Niachaj jany iduć tudy z druhoha kursa.

Nu, ahledziacca pieršy kurs, ale na druhim kursie jany pavinny akunucca ŭ tuju atmaśfieru, jakaja budzie paśla zakančeńnia VNU. Heta vielmi važna.

Niachaj jany navat adčujuć, što jany nie tudy trapili, ale lepš niachaj raniej heta adčujuć, i jany nie straciać čas, i my nie stracim hrošy na adukacyju hetych ludziej», — skazaŭ jon.

Łukašenka padkreśliŭ svajo asnoŭnaje patrabavańnie ab tym, kab vyšejšaja adukacyja była praktykaaryjentavanaj.

«Student pavinien z peŭnaha času być na vytvorčaści. Tady jamu lahčej budzie i adaptavacca da toj pracoŭnaj dziejnaści, da toj raboty, jakaja ŭ jaho budzie. Dy što tam hrachu taić: my ich vučym-vučym va ŭniviersitetach, a jany prychodziać na miescy i častka taho, što jany atrymali ŭ VNU, im akazvajecca niepatrebnaj, — adznačyŭ Alaksandr Łukašenka. — I kali jany buduć „prymacavany“ da vytvorčaha pracesu, tady i ŭ vykładčyka adkaznaść inšaja pierad studentam, i student moža pakrytykavać toj kurs, jaki daje vykładčyk užo ŭ adryvie ad vytvorčaści. Heta vielmi važna».

Čytajcie taksama:

Kamientary da artykuła