Kiraŭnik MZS Litvy zaklikaŭ Biełaruś skarystacca pieravahami Uschodniaha partniorstva

Novy ministr zamiežnych spraŭ Litvy Linas Linkiavičus pavinšavaŭ biełaruskaha kalehu Uładzimira Makieja z dvaccacihodździem ustalavańnia dypłamatyčnych adnosin pamiž Litvoj i Biełaruśsiu i zaklikaŭ Minsk skarystacca instrumientami, jakija prapanuje inicyjatyva Uschodniaha partniorstva ES.

U vinšavalnym liście ministr vykazaŭ pierakanańnie, što dziaržavy buduć raźvivać dvuchbakovyja adnosiny ŭ duchu dobrasusiedstva, uzajemnaha davieru i supracoŭnictva, paviedamiła čaćvier MZS.

Linkiavičus vykazvaje nadzieju, što na hetym šlachu Biełaruś skarystajecca instrumientami, prapanavanymi Uschodnim partniorstvam ES.

«Ministr taksama zaklikaŭ vykarystoŭvać usie mahčymaści dla palahčeńnia pajezdak hramadzian», — havorycca ŭ pres-relizie MZS.

Litva i Biełaruś ustalavali dypłamatyčnyja adnosiny 30 śniežnia 1992 hoda.

Zaraz ES užyvaje ŭ dačynieńni da Biełarusi sankcyi z-za krokaŭ režymu Łukašenki ŭ dačynieńni da apazicyi i pravaabaroncaŭ.

Kamientary da artykuła