Albomy hoda: top-5 u Biełarusi i śviecie - videa
A jakaja Vaša lubimaja pieśnia 2012 h.?
Akute — «Nie isnuje»
Trya Akute svaim druhim albomam praciahnuli spravu papularyzacyi poproka siarod moładzi. Ich kancerty źbirajuć anšłahi, jany vystupajuć pierad Placebo, jany hučać u filmie «Vyšej za nieba». Druhi albom Akute volny ad «sindromu druhoha alboma» — pieśni ŭ im nie horšyja Mahčyma, u chutkim časie Akute stanuć hałoŭnymi biełaruskamoŭnymi śpievakami krainy.
Srebnaje viasielle — Laterna Magica
Škada, što hurt Śviatłany Bień nie śpiavaje pa-biełarusku. Tym nie mienš, doŭhačakany druhi albom kabare-bendu lepšy za debiutny. Stałym naviednikam kancertaŭ «Viasiella» pieśni daŭno znajomyja, adnak u studyi jany zazichacieli novymi farbami — vyjaviłasia, što i biez šou (a pa ŭzroŭni šou z «Viasiellem» u nas nichto nie paciahajecca) hetyja pieśni mohuć vydatna isnavać. Asabliva adznačym absurdyscka-fiłasofski trek «Piŝievaja ciepočka» — tak i ŭjaŭlaješ, jak jaho śpiavaje Edyt Pijaf.
Neuro Dubel — «Do*uja sovietčikov»
Alaksandr Kulinkovič i kampanija zapisali samy «lohki» i «viasioły» albom va ŭsioj dyskahrafii hurtu. I amal biez matu. Nu, tolki ŭ zahałoŭnaj pieśni i ŭ naźvie kružełki. «Dziubiel» uźniaŭsia da takoha ŭzroŭniu, što jaki b albom ni zapisaŭ — drenna ŭžo nie vyjdzie. A voś pieśnia-kavier na kłasičnuju «Kuba, luboŭ maja» — heta prosta niejkaje śviata. Kulinkovič umieje reanimavać rečy, jaki da jaho padavalisia nieapierabielnymi.
Lapis Trubiackoj — «Rabkor»
Z «Viasiołymi karcinkami» jaho, kaniečnie, nie paraŭnaješ, ale «Rabkor» vykonvaje svaju asnoŭnuju funkcyju. Jak i abiacali «Lapisy», heta svoječasovaja zborka ahitak i łozunhaŭ. A toje, što «Lapisy» — najlepšy kancertny hurt krainy, i kazać niejak niajomka: na kaho jašče ź Biełarusi jeduć poŭnyja aŭtobusy słuchačoŭ u stalicy susiednich dziaržaŭ? Da taho ž, na albom trapiła «Nie być skotam» — zhustak enierhii na vierš Janki Kupały.
«Pałac» — «Koła hrukatała»
Aleh Chamienka ź siabrami praciahvajuć stvarać novuju narodnuju pieśniu. Nie adroźniš, dzie pieśnia staradaŭniaja, a dzie aŭtarstva samich muzykaŭ. Materyjał zrobleny biezdakorna — za amal dziesiacihodździe «studyjnaha» maŭčańnia hurt ničoha nie zhubiŭ.
***
Zachodni top-5: ad Oŭšena da Koena
Zachodnija muzyčnyja vydańni nie pryjšli da adzinaj vysnovy nakont najlepšaha alboma 2012 hoda. Nižej — piaciorka tych, chto najčaściej traplaŭ na pryzavyja miescy.
Frenk Oŭšen — Channel Orange
Frenk Oŭšen, jaki piša pieśni dla ludziej kštałtu Džaścina Bibiera, vypuściŭ pieršy solnik. Muzyka natchniajecca, zdajecca, usioj muzykaj, jakaja isnuje ŭ pryrodzie, vychodzić jakasny nieasoŭł. Čakajem praciahu.
Džej Uajt — Blunderbus
Kali na vokładcy napisana «Džek Uajt» — asablivych siurpryzaŭ nie dačakaješsia: na miescy i brudnaja hitara, i nadryŭ, i, kaniečnie, žadańnie stać u adzin šerah z Led Zeppelin. Miarkujučy pa reakcyi krytykaŭ, Uajt jak nikoli blizki da zvańnia «kłasika».
Brus Sprynhścin — Wrecking Ball
Amierykanski rok-hieroj Brus Sprynhścin trapiŭ u pieršyja radki rejtynhaŭ. Jaho Wrecking Ball — heta šedeŭr na ŭsie časy.
Black Keys — El Camino
Čarhovaja porcyja haražnaha roka, jaki imkliva viartajecca ŭ modu.
Leonard Cohen — Old Ideas
Paet i śpiavak Leanard Koen vypuściŭ pieršy za 12 hadoŭ studyjny albom. Jahonyja «staryja idei» — heta načytanyja pavierch instrumientaŭ razvažańni, adarvacca ad jakich nierealna.
5+ Dachabracha & Port Mone — «Chmieleva Project»
Dadatkam da topavaj piaciorki moža być vynik supolnaha prajektu biełaruskaha hurtu Port Mone z ukraincami «Dachabracha». Heta nie muzyka, jakuju možna słuchać štodnia, ale ŭ płanie intelektualnaha fołku i etniki daŭno ničoha macniejšaha nie było. U albomie spałučajucca dažazavyja matyvy, narodnaja pieśnia i miedytatyŭnaść.
***
Hanhnam Stajł: narodny chit
U rejtynhi nie traplaje, ale musić być adznačanaja pieśnia Gangnam Style karejskaha repiera Psy. Na sajcie YouTube jana sabrała bolej za miljard prahladaŭ — heta absalutny rekord u historyi sierviera. Pieśnia heta pra bahaty rajon Sieuła ź śmiešnym tancam-parodyjaj na «mažornaje» žyćcio stała mižnarodnych chitom — jaje śpiavajuć usie: pa-biełarusku isnuje ŭžo dva varyjanty.
I, biezumoŭna, kudy bieź bliskučaj pieramohi na Jeŭrabačańni Loreen ź pieśniaj Euphoria?
Loreen vystupiła ŭ lipieni 2012 h. na "Słavianskim bazary" ŭ Viciebsku, a zatym u Minsku sustrełasia z žonkaj asudžanaha pravaabaronca Alesia Bialackaha Natallaj Pinčuk.
Adkryćcio hoda -- Ženia Litvinkovič
Biełarus z Žodzina zrabiŭ furor va Ukrainie. Zaraz jon vyjšaŭ u supierfinał ukrainskaha šou "X faktor - 3"
A jakaja Vaša lubimaja pieśnia-albom 2012 h.? Vykazvajciesia ŭ kamientarach.