Pamior baranavicki student, jakoha ŭ vieraśni zasypała piaskom
18-hadovy chłopiec bolš za 2,5 miesiacy pralažaŭ u komie. Pa dadzienych svajakoŭ, u raspačynańni kryminalnaj spravy admovili.
Navučeniec liceja budaŭnikoŭ paciarpieŭ pry praviadzieńni ziemlanych rabot u starym parku 25 vieraśnia.
Chłopiec spuściŭsia na dno trochmietrovaj jamy, i na jaho abrynułasia ściana piasku. U ciažkim stanie jaho dastavili ŭ reanimacyju.
Bolš za dva z pałovaj miesiacy małady čałaviek pravioŭ u komie, a 16 śniežnia pamior, paviedamlaje «Intex-press».
Pa fakcie zdareńnia Baranavicki haradski adździeł Śledčaha kamiteta pravodziŭ pravierku. U vyniku, pavodle infarmacyi svajakoŭ studenta, va raspačynańni kryminalnaj spravy admovili.
«Nibyta majho plamieńnika nichto nie prymušaŭ leźci ŭ hetuju jamu, i vinavatych u tym, što jon apynuŭsia ŭ joj, niama», — paviedamiła karespandentu «IP» ciotka zahinułaha chłopca.
Pavodle jaje słoŭ, baćki maładoha čałavieka źviartacca ŭ vyšejstajačyja instancyi z nahody admovy va raspačynańni kryminalnaj spravy nie źbirajucca.