Administracyja pradpryjemstva «Hranit» praciahvaje cisk na niezaležny prafsajuz
Hetym razam kiraŭnictva pradpryjemstva, što mieścicca ŭ Mikaševičach, šukaje pryčyny, kab pakarać kaznačeja supołki hetaha prafsajuzu Anatola Litvinku.
Pavodle słovaŭ aktyvista, amal štodnia pradstaŭniki administracyi «Hranitu» patrabujuć ad jaho tłumačalnyja, na padstavie jakich robiacca zaŭvahi, što vielmi chutka mohuć być padstavaj dla zvalnieńnia.
Raniej taki samy cisk adčuvała žonka Anatola Litvinki — Ludmiła, jakaja taksama pracavała na «Hranicie» i była zvolnienaja za suviaź sa stvoranym na pradpryjemstvie niezaležnym prafsajuzam. Usie sproby Ludmiły Litvinki pracaŭładkavacca ŭ inšyja arhanizacyi Łuninieckaha rajonu zastajucca biespaśpiachovymi, jak tolki ŭ adździełach kadraŭ vyśviatlali, što stałasia pryčynaj zvalnieńnia z «Hranita».