Dobra ci kiepska, što ad apazycyi Łukašenku budzie procistajać adzin kandydat?
Ramuald Ułan, eks-vydaviec «Novoj haziety Smorhoni»:
Vydatna, što abrali adzinaha kandydata raniej, čym u 2001 h. Ciapier dastatkova času, kab budavać dalejšuju stratehiju.
Anatol Sidarevič, publicyst:
Nia viedaju. Ja daŭno nie aptymist i vielmi aściarožny ŭ svaich vysnovach. Nichto nia viedaje, što zaŭtra budzie.
Alaksandar Vajtovič, akademik, eks-śpikier Cavietu respubliki:
Ja nia budu davać takich adznak — «dobra» ci «kiepska». Ja prosta kanstatuju, što jość taki fakt. Partyjnaja častka apazycyi pajšła takim šlacham, jana vybrali takoha lidera. Heta ich prava.
Hary Pahaniajła, pravaabaronca:
Heta sprava karysnaja: jana daje mahčymaść skancentravać vialikuju kolkaść ludziej u kamandzie adzinaha kandydata.
Lavon Barščeŭski, namieśnik dyrektara Biełaruskaha liceju:
Kaniečnie, dobra. Dzie byŭ adziny kandydat, tam apazycyja vyjhravała vybary. Jak Kaštunica ŭ Juhasłavii.
Zapisaŭ Arkadź Šanski