Savieckija palaki suprać biełaruskich
«Łukašenka daŭ palakam pa rukach» — takoje pasłańnie zakidajuć u masavuju śviadomaść hetymi tydniami. «NN» prahnazavała siem miesiacaŭ tamu, što ŭłady pasprabujuć zhulać na antypolskich nastrojach. Ciapier naš žurnalist šukaje adkazu na pytańnie, ci pryniasie takaja hulnia palityčnyja dyvidendy.
Łukašenka dušyć biełaruskich palakaŭ i padtrymlivaje savieckich palakaŭ. Tych, na čale z Kručkoŭskim. Jakija ličać tolki rasiejcaŭ i palakaŭ «sapraŭdnymi narodami», a biełaruskuju hramadu — svaim hałoŭnym voraham. Kručkoŭski zaraz budzie, jak Kozik u prafsajuzach. Navat pryzy dla najlepšych kambajnioraŭ-palakaŭ, musić, ustanović. Henyja savieckija palaki nahadvajuć mnie savieckich habrejaŭ, jakija asudžali sijanistaŭ.
My bačym, što kanflikt zusim nia ŭ tym, što «adny palaki suprać druhich», jak kaža pasoł Łatuška. Adnych aryštoŭvajuć, nie dajuć hazety nadrukavać. Druhim AMON nahami adčyniaje dźviery ŭ Damy Polskija.
Biełaruskim palakam, častcy šmatetničnaj biełaruskaj nacyi, «Naša Niva» pasyłaje słovy vitańnia i salidarnaści. Słovy Kryštofa Radziviła: radzima — heta nia miežy, nia ziemli, a svabody i pravy.
Ja žonki ŭ bardel nie pradam!
Łukašenkaŭcy zapeŭnivajuć, što handal suverenitetam nie viadziecca. Heta jak kali b mužčyna zapeŭnivaŭ svaju žonku, što jon jaje ŭ bardel nie pradaść. Sama pastanoŭka pytańnia vydaje, što ŭ mužčyny ŭ hałavie. Ci možacie ŭjavić, kab prezydent Litvy, karol Narvehii ci sułtan Amanu zapeŭnivali, što suverenitetu krainy nie pierapuściać? Takaja dziaržaŭnaja palityka pryciahvaje ŭvahu satyrykaŭ. Jany šče jość! Čytajcie pra LLL-multy.