Бэрнардыны: апошнія тыдні
Толькі лянівы яшчэ не паблукаў па сутарэньнях бэрнардынскага кляштару, які ў хуткім часе мае стаць гатэлем. Дабралася туды і наша фотакарэспандэнтка Юлія Дарашкевіч.
У хуткім часе ў былым бэрнардынскім кляштары паўстане гатэльны комплекс. А пакуль будынак фактычна нікім не заняты (ваенная камэндатура і пракуратура пераехалі некалькі месяцаў таму), там можна спакойна блукаць з фотаапаратам. З сабой браць ліхтар, дзяўчатам - хлопца, які перакіне праз бэтонны плот :)
Саўна будзе відаць тут
У сутарэньнях зробленыя камэры. Не ва ўсіх ёсьць батарэі. А холад там страшны
А гэта штрафны ізалятар. Жалезны зэдлік прымацаваны да падлогі
Настольны жывапіс у адной з камэраў - "дэмбельскі цягнік"
Камэра для прапаршчыкаў па ўмовах лепшая
У кабінэтах - кінутыя нататнікі, зламаныя кампутары і дзяржаўныя сымбалі
Від з вакна будучага 5-цізоркавага гатэлю