Затрыманьні актывістаў
№ 41 (198), 9 — 16 кастрычніка 2000 г.
Затрыманьні актывістаў
За раздачу ўлётак з заклікам да байкоту, агітацыю за ўдзел у “Маршы Свабоды” або ляпленьне наклеек былі за мінулы тыдзень затрыманыя:
Горадня — Сяржук Паўленка, Людміла Якчук, Андрэй Мялешка, Эдуард Дзьмухоўскі, Вадзім Саранчукоў, Юлія Дарашкевіч і яшчэ два маладафронтаўцы з Гарадзенскай вобласьці, імёны якіх нам не ўдалося даведацца;
Полацак — Сяргей Кухарэнка;
Салігорск — Андрэй Лапановіч і Зьміцер Тычына;
Маладэчна — Тадэвуш Шусьціцкі.
Сярод прысудаў вылучаюцца сваёй нематываванай суворасьцю штраф менчукам Сяргею Шынкевiчу (150 мінімальных заробкаў) і Ўладзімеру Раманоўскаму (10 сутак арышту). Праваабарончы цэнтар “Вясна” паведамляе, што за ўдзел у акцыі “Байкот-2000” у Беларусі былі затрыманыя або засуджаныя больш за 100 чалавек.