КДБ атрымаў больш правоў для папаўнення базы невыязных
Цяпер дастаткова паставіць чалавека на прафілактычны ўлік у КДБ.
4 ліпеня Аляксандр Лукашэнка падпісаў указ № 295 «Аб спрашчэнні парадку выезду з Рэспублікі Беларусь».
Паводле ўказу, цяпер падставай для ўключэння Камітэтам дзяржаўнай бяспекі ў спіс невыязных з Беларусі з’яўляецца знаходжанне чалавека «на прафілактычным уліку ў органах дзяржбяспекі». Раней КДБ меў права ўносіць у спіс тых беларусаў, якія валодалі дзяржаўнымі сакрэтамі. Іншых уносілі МУС, Мінабароны і Мінюст.