Лукашэнка прыбыў на Кубу
Аляксандр Лукашэнка прыбыў з афіцыйным візітам на Кубу. У гаванскім аэрапорце імя Хасэ Марці беларускую дэлегацыю сустракаў намеснік міністра замежных спраў Дагаберта Радрыгес,паведамляе Кубінскае агенцтва навін (ACN).
25 чэрвеня Лукашэнка правядзе перамовы з лідарам Кубы Раулем Кастра і ўскладзе вянок да мемарыяла нацыянальнага героя Хасэ Марці на плошчы Рэвалюцыі ў сталіцы краіны.
Пасля Кубы беларускі кіраўнік наведае Венесуэлу і Эквадор.