У Мінску адкрыўся Міжнародны фестываль тэатраў лялек
Ён будзе доўжыцца па 20 мая.
15 мая ў Беларускім дзяржаўным тэатры лялек у Мінску адбылося адкрыццё Міжнароднага фестывалю тэатраў лялек, які будзе доўжыцца па 20 мая.
На фестывалі будуць паказаны лялечныя спектаклі з шасці краін.У беларускую сталіцу ўжо прыехалі калектывы з Грэцыі, Расіі, Украіны, Літвы. Тэатр лялек «Лікурыч» з Малдовы пакуль затрымліваецца, аднак неўзабаве таксама прыбудзе ў Мінск.
На цырымоніі адкрыцця міжнароднага форуму прысутнічалі першы намеснік міністра культуры Беларусі Уладзімір Карачэўскі і намеснік старшыні Мінгарвыканкама Ігар Карпенка.
Спектаклем адкрыцця стала «Чароўная дудка» Вольскага ў выкананні Мінскага абласнога тэатра лялек «Батлейка».