Выбух на «Пінскдрэве»: галоўны абвінавачаны схаваўся ад следства
10 студзеня ў Пінску пасля двухтыднёвага перапынку працягнуўся разгляд крымінальнай справы па выбуху на СТААПрацэс праходзіць у адсутнасці галоўнага фігуранта гэтай«Пінскдрэў-ДСП» .
Нагадаем, трагедыя здарылася 25 кастрычніка 2010 каля 13.00. Выбух адбыўся на ўчастку па вытворчасці драўняных паліўных гранул. Пацярпеў 21 працаўнік прадпрыемства: 2 чалавекі загінулі на месцы, яшчэ 12 памерлі ў бальніцах Пінска, Брэста і Мінска. Пяцёра пацярпелых засталіся інвалідамі. Шкода склала амаль 4 мільярды рублёў.
У дзень трагедыі пракуратура Пінска распачала крымінальную справу па частцы 2 артыкула 302 КК РБ («Парушэнне правілаў бяспекі на выбухованебяспечным прадпрыемстве што пацягнула па неасцярожнасці смерць чалавека з прычыненнем шкоды ў асабліва буйным памеры»). Крыху пазней гэтая крымінальная справа была прынятая да вытворчасці і канчаткова расследаваная Генеральнай пракуратурай. Яна налічвае 56 тамоў.
Судовы працэс пачаўся 13 снежня 2011. Справа слухаецца Брэсцкім абласным судом, перад якім у якасці абвінавачаных паўсталі былы галоўны інжынер ЗАТ «Холдынгавая кампанія «Пінскдрэў» Уладзімір Шастакоў, былы дырэктар СТАА
Характэрна, што падчас першапачатковых следчых дзеянняў была ўсталяваная датычнасць да трагедыі яшчэ аднаго кіраўніка СТАА
Паводле звестак Naviny.by, Уладзімір Шастакоў віны не прызнаў, а Леанід Логвін і Ігар Логвін прызналі віну часткова.
Галоўным жа фігурантам гэтай гучнай справы павінен быў стаць былы гендырэктар ЗАТ «ХК «Пінскдрэў» Ларан Арыніч.Увесну мінулага года следчы Генеральнай пракуратуры афіцыйна апавясціў яго пра тое, што ў дачыненні да яго распачатая крымінальная справа па падазрэнні ў перавышэнні службовых паўнамоцтваў. Аднак мера стрымання да яго не ўжывалася, і Арыніч з’ехаў за мяжу нібыта на лячэнне. Больш яго ў Беларусі не бачылі. Крымінальную справу ў дачыненні да былога гендырэктара выдзелілі ў асобную вытворчасць. З 23 жніўня 2011 г. ён знаходзіцца ў вышуку, а 22 верасня вынесеная пастанова аб меры стрымання ў выглядзе ўтрымання яго пад вартай.
Да цяперашняга часу ў судзе заслуханыя паказанні абвінавачаных і пацярпелых. Цяпер ідуць допыты сведак, якіх у справе больш за 80 чалавек.
Суду ў гэтай драматычнай гісторыі, супастаўнай па колькасці ахвяр з тэрактам у мінскім метро, трэба будзе не толькі вызначыць ступень віны абвінавачаных, але і назваць прычыны вытворчай трагедыі. Дакладней, пацвердзіць або абвергнуць раней зробленыя высновы шматлікіх правяральнікаў, якія, як у нас водзіцца, дзейнічаюць жорстка толькі постфактум.
Ужо праз тыдзень пасля выбуху Генпракуратура праінфармавала кіраўніка ўрада, што аб’ёмны выбух на прадпрыемстве адбыўся «з прычыны дапушчаных парушэнняў
Больш жорсткія высновы ўтрымліваюцца ў дакладной запісцы Савета бяспекі № 21–05/116 ад 9 лістапада 2010, вытрымкі з якой апублікавала газета «Вячэрні Брэст».
Па сутнасці, праца міжведамаснай групы ў складзе кіраўнікоў і спецыялістаў Савета бяспекі, Генеральнай пракуратуры, КДБ, МНС, МУС, Міністэрства працы і сацыяльнай абароны па высвятленні прычын і ўмоваў узнікнення выбуху ў СТАА
«
Ігнараванне кіраўніцтвам ЗАТ «Холдынгавая кампанія „Пінскдрэў“ прадпісанняў дзяржаўных кантралявальных органаў, у першую чаргу дзяржаўнага пажарнага нагляду, у значнай меры абумоўленае асабістай перакананасцю ў беспакаранасці ў сувязі з наяўнасцю уплывовых сувязяў у розных дзяржаўных органах як мясцовага, так і рэспубліканскага значэння.
Пацярпелыя і сваякі загінулых лічаць, што Арынічу невыпадкова ўдалося схавацца ад следства і суда.Абураныя людзі накіравалі калектыўны зварот у Адміністрацыю прэзідэнта, Генеральную пракуратуру, Міністэрства ўнутраных справаў, Камітэт дзяржаўнай бяспекі і Камітэт дзяржаўнага кантролю з патрабаваннем знайсці і пакараць былога гендырэктара. Адзінае пакаранне, якое Арыніч ўжо панёс, — Пінскі гарсавет дэпутатаў пазбавіў яго звання ганаровага грамадзяніна Пінска.