Акцыі не было, але на Кастрычніцкай плошчы зноў было поўна сілавікоў
Нягледзячы на перанос часу і месца правядзення акцыі маўклівага пратэсту, вечарам 27 ліпеня на Кастрычніцкай плошчы Мінска зноў назіралася канцэнтрацыя сілавікоў.
Плошчу патрулявалі супрацоўнікі міліцыі ў форме і невядомыя ў цывільным з рацыямі. Паміж Палацам рэспублікі і музеем Вялікай Айчыннай вайны стаяў мікрааўтобус без нумарных знакаў. У 20 гадзін сілавікі пачалі раз’язджацца.
Чарговая акцыя маўклівага пратэсту прайшла 27 ліпеня ў 13 гадзін на Камароўскім рынку. Прысутныя ніяк не пазначалі сябе, каб не быць затрыманымі.