Ні храна! Мінгандлю не спадабалася рэклама прадукцыі АВС (відэа)
У Беларусі прыпынілі трансляцыю рэкламы хрэну АВС.
У Беларусі прыпынілі трансляцыю рэкламы хрэну АВС. Некалькі ролікаў, прысвечаных хрэну, нарабілі шмат шуму і прымусілі гаварыць пра непавагу да жанчыны, пра сэксізм у рэкламе і нават пра навязванні гендэрных стэрэатыпаў.
Калі рэклама хрэну АBC вас весяліла, і вы здзіўляецеся, куды яна знікла, паведамляем, што яе распаўсюджанне забараніў Мінгандаль.
Сутнасць высноваў эксперта, які аналізаваў ролікі: рэклама мае ярка выражаны сэксуальны падтэкст, выкарыстоўваючы вобразАкрамя таго, адзначаецца, што зборная выява полу, гэта значыць, гендэрны вобраз, прадстаўлены неэтычна.жанчыны-прадаўца . Рэклама хрэну, на думку эксперта, можа быць расцэненая як прыхаваная рэклама сэксуальных паслуг.
Псіхолаг Вольга Андрэева ў сваім ЖЖ звярнула ўвагу на гэта, яшчэ калі рэкламу на ўсю моц круцілі па тэлевізары:
— Калі шчыра, я не думала, што такое магчыма. У ёй удзельнічаюць дзве старэючыя вульгарна размаляваныя цёткі. Адна з іх пакупнік, а другая — прадавец у сельмагу. Пакупніца просіць хрэн. Абедзве глядзяць адна на адну з непрытоенай пагардай. Прадавец дае ёй слоік хрэну і кажа: «Мужыка табе трэба!» І дадае: «І мне!».
— Слова «хрэн» нясе ў паўсядзённай мове магутную сэксуальную нагрузку, чым з неверагоднай крэатыўнасцю скарысталіся аўтары гэтага рэкламнага роліка, — адзначае Вольга Андрэева.
Дырэктар камунікацыйнага агенцтва EZERIN’COM Андрэй Эзерын лічыць, што стваральнікі роліка выкарысталі анекдатычную сітуацыю — і толькі.
— Гэтая рэклама — на аматара. Мне яна здаецца пацешнай. І тое, што яе забаранілі, мяне здзіўляе, як і тое, што кандыдат філасофскіх навук у сваім заключэнні піша, што ролік можа быць расцэнены як прыхаваная рэклама сэксуальных паслуг, — адзначае эксперт. — Для мяне рэклама хрэну АВС не з’яўляецца чымсьці такім, што нельга паказваць па ТБ. Вось, напрыклад, рэклама «молодецких» яек у людзей выклікае цалкам канкрэтныя асацыяцыі. І нічога, не забараняюць.
Псіхолаг Раман Кручкоў адзначае, што рэклама, з аднаго боку, павінная чапляць і быць у пэўным сэнсе крэатыўнай і нават правакацыйнай, а з другога — не скочвацца ў пошласць.
— Як спажывец скажу, што глядзець рэкламны ролік АВС мне было непрыемна. Сапраўды вульгарна, — лічыць псіхолаг. — Пры гэтым адзначу, што каб угледзець выразную рэкламу сэксуальных паслуг у гэтым роліку, трэба пастарацца.