Беларусь і Азербайджан будуць разам рабіць святлодыёдную тэхніку
Аб'ём інвестыцый, неабходны для рэалізацыі першага этапу праекта, ацэньваецца прыкладна ў $10 мільёнаў.
Беларусь і Азербайджан створаць сумесную вытворчасць святлодыёднай тэхнікі. Пра гэта паведаміў намеснік старшыні прэзідыума Нацыянальнай акадэміі навук Беларусі Сяргей Рахманаў.
Новая вытворчасць адкрыецца ў Баку на базе акадэміі авіяцыі Азербайджана.Дамова пра стварэнне супольнага прадпрыемства ўжо падпісаная. Складзены і першы кантракт, неабходны для запуску праекта.
На першым будзе засвоены выпуск святлодыёдных свяцільнікаў — вулічных, офісных, камунальных.«Пасля таго, як пілотны праект будзе здадзены, а гэта здарыцца ў верасні гэтага года, будуць планавацца наступныя этапы — больш маштабныя», — расказаў Сяргей Рахманаў.
У будучыні на базе акадэміі авіяцыі Азербайджана плануецца стварыць тэхнапарк. «Думаю, што наша сумесная вытворчасць стане адным з сур’ёзных блокаў гэтага тэхнапарка», — сказаў намеснік старшыні прэзідыума НАН.
Частка неабходных камплектуючых для выпуску новай тэхнікі будзе пастаўляцца ў Азербайджан з Беларусі.
Новая прадукцыя будзе выпускацца пад агульным брэндам.Аб’ём інвестыцый, неабходны для рэалізацыі першага этапу праекта, ацэньваецца прыкладна ў $10 мільёнаў.