Куды едуць топ-менеджары з Беларусі?

Расійскі фінансавы сектар найбольш часта становіцца полем для паспяховай кар’еры ураджэнцаў Беларусі.

У сакавіку адразу два выхадцы з Беларусі занялі важныя кіруючыя пасады ў буйных расійскіх фінансавых структурах. Яўген Забяжынскі стаў дырэктарам у групе каштоўных папер інвестыцыйнай кампаніі «Ренессанс капитал», а Алексей Кіркораў атрымаў пасаду фінансавага дырэктара кампаніі «Сбербанк лизинг», якая, дарэчы, толькі ў мінулым месяцы абвясціла аб набыцці 50% акцый беларускай кампаніі «БПС-лізінг».

Нізкі у параўнанні з Расіяй ўзровень заработнай платы, праблемы з атрыманнем адукацыі па шэрагу прафесій і, галоўнае, адсутнасць магчымасцяў для самарэалізацыі ў краіне, дзе аснову эканомікі складае дзяржсектар, заўсёды вымушаў маладых беларусаў шукаць працу за мяжой. І, перш за ўсё, цэнтрам іх імкненняў была суседняя Расія. Цяпер 30- і 40-гадовыя спецыялісты, якія пакінулі сваю радзіму за апошнія 20–25 гадоў, паступова выходзяць на вядучыя ролі ў найбуйнейшых расійскіх кампаніях і міжнародных бізнесах, якія аперуюць на расійскім рынку.

Пра гэта кажа спецыяльнае даследванне «Ежедневника», які вывучыў прызначэнні ў расійскім бізнесе на працягу апошніх двух гадоў, звязаныя з выхадцамі з Беларусі. Сярод згадваных топ-менеджараў ёсць і прадстаўнікі пакалення, якое перабралася ў Расію яшчэ ў савецкія часы, але пераважная большасць — спецыялісты ва ўзросце ад 30 да 40 гадоў.

Падрабязней

Каментары да артыкула