Абсурд: NRM выступіць без Вольскага
Фронтмэн гурту не выйдзе на сцэну на «Рок-каранацыі».
Як стала вядома «НН», на «Рок-каранацыі» NRM выступіць без Лявона Вольскага.
Інфармацыю пацвердзіў гітарыст гурту Піт Паўлаў. Сам Вольскі ад каментару адмовіўся.
«Ён узяў «бестэрміновы неаплачваны адпачынак»,
— так патлумачыў Паўлаў. І дадаў, што будуць «сваімі сіламі» яго замяняць. Маўляў, у камандзе граюць яшчэ тры чалавекі. Разам з тым, музыкі не пакідаюць імавернасці ўдзелу Вольскага ў далейшай працы гурту.
«Рок-каранацыя» пройдзе 18 лютага.