Батанічны сад перастаў закрывацца на зіму
Працаваць будзе толькі службовы ўваход з боку вуліцы Сурганава.
Цэнтральны батанічны сад Нацыянальнай акадэміі навук (НАН) Беларусі цяпер будзе адкрыты для наведвальнікаў цэлы год.
Праўда, з лістапада па сакавік цэнтральныя вароты і каса з боку плошчы Калініна ўсё ж будуць зачыненыя. Можна купіць квіткі ў фірмовай краме батанічнага саду па адрасе вуліца Сурганава, 2в, і прайсці праз службовы ўваход.
Шпацыраваць у Батанічным у апошнія дні восені можна з 10.00 да 17.00, апроч выходнага дня – панядзелка.
Раней з 1 лістапада па 30 красавіка Цэнтральны батанічны сад НАН Беларусі зачыняўся на зімовы сезон. Круглы год працавала толькі экспазіцыйная аранжарэя.