Самалёт Мінск — Масква прызямляўся з адключаным рухавіком
Ён адмовіў у «Боінга» ў небе над расійскай сталіцай.
Самалёт авіякампаніі «Победа», які выконваў рэйс Мінск — Масква, прызямліўся з выключаным рухавіком. Ён адмовіў у «Боінга» ў небе над расійскай сталіцай, паведамляе тэлеграм-канал Shot.
Незадоўга да заходу на пасадку, на вышыні каля 1,5 кіламетра, у аднаго з рухавікоў Boeing 737‑800 рэзка ўпалі абароты, а пазней ён самаадвольна выключыўся.
Сігналізацыя адразу папярэдзіла пілотаў пра няспраўнасць. Яны падалі сігнал тэрміновасці Pan-Pan-Pan, пасля чаго працягнулі заход на пасадку. Праз некалькі хвілін самалёт паспяхова прызямліўся ў аэрапорце «Унукава». Ніхто з пасажыраў не пацярпеў.
Shot не ўдакладніў, пра які канкрэтна рэйс з Мінска ў Маскву ідзе гаворка і калі гэта было.