У Віцебску на пажары загінуў чалавек, яшчэ некалькіх уратавалі
У Віцебску ў выніку пажару ў жылым доме на вуліцы Леніна загінуў чалавек, яшчэ адна жанчына трапіла ў бальніцу. Ратавальнікі МНС выратавалі яшчэ трох чалавек.
Паведамленне пра ўзгаранне ў кватэры на другім паверсе чатырохпавярховага дома паступіла на нумар 112 ноччу.
Гаспадыня кватэры змагла самастойна выйсці з палаючага памяшкання. Пасля агляду медыкамі пажылую жанчыну шпіталізавалі. У кватэры ратавальнікі знайшлі цела яе сына.
Яшчэ трох чалавек, якія знаходзіліся на верхніх паверхах дома, супрацоўнікі МНС вывелі ў бяспечнае месца, выкарыстаўшы спецыяльныя выратавальныя маскі.
Пажар ліквідавалі. Прычыны і абставіны здарэння высвятляюцца.