У Мінску закрылася адна з арт-галерэй, прысвечаных спорту
У Мінску закрылася адна з галерэй Viva Kola Art, што на вуліцы Даўгабродскай, дзе выстаўляліся работы мастакоў на спартыўную тэматыку.
Гісторыя Viva Kola Art пачалася з веласпорту, піша Onliner.by.
У 2023 годзе веласіпедны клуб «Мінск» вырашыў незвычайным чынам адзначыць сваё дзесяцігоддзе — арганізаваць мастацкі конкурс супольна з Беларускім саюзам мастакоў. Замест чарговай гонкі атрымалася выстава, на якой мастакі, скульптары і фатографы паказвалі, якім яны бачаць веласпорт.
Ідэя была ўдалай, і паступова мастацтва выйшла за межы велатрэка. Да праекта далучыліся хакей, біятлон, гімнастыка, тэніс і іншыя віды спорту.
Напрыклад, на выставе «Спорт скрозь час» паказалі больш за 500 работ — ад твораў беларускіх мастакоў XX стагоддзя да сучасных фотаздымкаў футбольных матчаў.
Калі вы з тых людзей, якія даведваюцца пра класнае месца толькі пасля яго закрыцця, не хвалюйцеся.
Пазнаёміцца з Viva Kola Art можна і на іншых адрасах:
— вуліца Дзімітрава, 3 — недалёка ад станцыі метро «Фрунзенская», побач з Ракаўскім прадмесцем.
— Гандлёва-забаўляльны цэнтр PRIZMA, Партызанскі праспект, 79 — другі ўзровень, каля станцыі метро «Партызанская». Час працы: з 10:00 да 22:00.
У памяшкання закрытай галерэі ўжо з’явіўся новы арандатар.