У Мінску з машыны выпалі тры скрынкі цукерак
Спачатку дагнаць машыну не змаглі.
Тры скрынкі цукерак «Спартак» выпалі з грузавой машыны проста на мінскую вуліцу. Пра знаходку напісала карыстальніца «Трэдс» @la.gun, піша Blizko.by.
«Мінск. Хто згубіў тры скрынкі цукерак «Спартак»? Выпалі са светлай машыны. На скрыжаванні [вуліц] Калініна і Якуба Коласа. Яны вас чакаюць. Дагнаць машыну не змаглі — напэўна, кіроўца не адрэагаваў».
Белая машына, пра якую пісала дзяўчына, на яе фота стаяла на суседнім скрыжаванні. Магчыма, яе кіроўца паспеў вярнуцца.