Расія скінула тры авіябомбы на жылы раён Славянска
Параненыя сем чалавек.
Два шматпавярховікі часткова разбураныя, яшчэ сем жылых дамоў і крама пашкоджаныя.
Расійскія войскі атакавалі Славянск раніцай 11 кастрычніка, каля 09:45. Паводле кіраўніка гарадской ваеннай адміністрацыі Вадзіма Ляха, на жылы раён скінулі тры авіябомбы ФАБ-250.
Спачатку паведамлялася пра чатырох параненых, але пазней іх колькасць павялічылася да сямі. Усім аказваюць медыцынскую дапамогу.
Асобна Лях паведаміў пра яшчэ аднаго параненага мужчыну ў выніку іншага абстрэлу — у раёне прыватнай забудовы горада.