Пасля расійскай атакі пад Кіевам — моцны пажар
Пажар на складах у Бучанскім раёне ўзнік пасля начной атакі расійскага беспілотніка. Паводле папярэдніх звестак, ніхто не загінуў і не пацярпеў.
Як паведаміў кіраўнік Кіеўскай абласной ваеннай адміністрацыі Цімур Ткачэнка, у ноч на 11 кастрычніка пасля атакі загарэліся складскія памяшканні прадпрыемства. На 10‑ю раніцы тушэнне яшчэ працягвалася.
Што захоўвалася на складах і якое прадпрыемства пацярпела, ён не ўдакладніў.