У Брэсце двое школьнікаў падчас перапынку скралі матацыкл
У Брэсце двое 15‑гадовых школьнікаў скралі матацыкл коштам каля 7400 рублёў. Падлеткі заўважылі яго раніцай па дарозе ў школу, а падчас перапынку вярнуліся, каб забраць, паведамляе УУС Брэсцкага аблвыканкама.
Скрыншот з відэа
Матацыкл хлопцы схавалі ў бацькоўскім гаражы, патлумачыўшы дарослым, што знаёмыя нібыта папрасілі іх адрамантаваць транспарт.
Увечары ўладальнік выявіў знікненне і звярнуўся ў міліцыю. Матацыкл вярнулі гаспадару, а супраць школьнікаў распачалі крымінальную справу за крадзеж.
У міліцыі нагадалі, што крымінальная адказнасць за такое злачынства ў Беларусі надыходзіць з 14‑ці гадоў.
Чытайце таксама:
У Шумілінскім раёне ў аварыі загінуў матацыкліст
У Германіі ўшчэнт п'яны малады беларус-бяспраўнік збіў матацыкліста і ўцёк
Пад Капылём ад міліцыі ўцякаў матацыкліст-бяспраўнік з 4 праміле алкаголю