У Кіеве з-за ўдараў Расіі спынялася метро
Расіяне ў суботу днём нанеслі дронамі ўдар па Кіеве. Пра гэта паведаміў мэр горада Віталь Клічко.
Людзі пакідаюць метро
Час чакання цягнікоў на «чырвонай» і «зялёнай» лініях складае прыблізна 12—15 хвілін.
Рух цягнікоў на «сіняй» лініі ажыццяўляецца пад дыспетчарскім рэгуляваннем. Час чакання — больш за 15 хвілін.
Павелічэнне інтэрвалаў паміж цягнікамі звязана з перабоямі ў электразабеспячэнні з боку знешніх цэнтраў сілкавання.
У некаторых раёнах сталіцы Украіны знікла святло.
Акрамя таго, у Кіеве таксама назіраюцца перабоі з водазабеспячэннем.