Чацвёра пенсіянераў трапілі ў ДТЗ у цэнтры Мінска
Здарэнне адбылося сёння на праспекце Пераможцаў каля дома №20, паведамляе ДАІ.
Фота: ДАІ
79‑гадовы кіроўца Hyundai ўрэзаўся ў аўтамабілі Kia і Belgee, што стаялі ўздоўж ходнікаў.
Паводле папярэдняй інфармацыі, кіроўца Hyundai адцягнуў увагу ад кіравання.
Мужчыну, а таксама яго пасажырак ва ўзросце 76, 74 і 70 гадоў даставілі ў бальніцу для абследавання.