Расія нанесла ўдар балістыкай па Кіеве: двое загінулых
Удары прыйшліся па трох раёнах украінскай сталіцы.
У ноч на сераду ў выніку расійскай атакі балістычнымі ракетамі ў Кіеве зафіксавалі траплянні ў Абалонскім, Шаўчэнкаўскім і Падольскім раёнах. У Дарніцкім раёне загінулі два чалавекі, піша «Украінская праўда».
Паводле слоў мэра Віталя Клічко, у Абалонскім і Шаўчэнкаўскім раёнах зафіксаваныя траплянні на тэрыторыі нежылой забудовы, а ў Падольскім — у складскія памяшканні.
Пазней у Кіеўскай гарадской ваеннай адміністрацыі паведамілі пра падзенне абломкаў на адкрытай тэрыторыі і на тэрыторыі гаражнага кааператыва ў Дарніцкім раёне.
У выніку варожай атакі ў Дарніцкім раёне загінулі два чалавекі.