На Гомельскім хімзаводзе адбылася ўцечка 50 кілаграмаў аміяку
Ратавальнікі ліквідавалі праблему.
Уцечка адбылася на адкрытай пляцоўцы склада. Ратавальнікі спынілі выхад рэчыва, перакрыўшы засаўку, паведамляе МНС.
Работнікі МНС і персанал аб’екта правялі работы па асаджэнні пароў і нейтралізацыі аміяку. Перавышэння гранічна дапушчальнай канцэнтрацыі пароў аміяку ў паветры не зафіксавана.
Пацярпелых няма. Прычына інцыдэнту высвятляецца.
На месцы інцыдэнту працавалі 13 адзінак тэхнікі і 46 работнікаў МНС, паведамляе прэс-служба ведамства.