«Праваслаўныя актывісты» данеслі на Макса Каржа ў Генпракуратуру Расіі з-за радкоў «И не нужна война, не нужна она»
Даносчыкі патрабуюць правесці праверку песні Каржа «С нами или нет» на прадмет наяўнасці дыскрэдытацыі Узброеных сіл РФ.
Макс Корж. Скрыншот з відэа
Даносчыкі заявілі, што падалі ў Генпракуратуру Расіі заяву з просьбай правесці праверку песні Каржа «С нами или нет» на прадмет наяўнасці дыскрэдытацыі Узброеных сіл РФ. На іх думку, яна нібыта ўтрымліваецца ў радках: «И не нужна война, она не нужна» і «Ещё чуть-чуть, глядишь, сорвёшься и подашься воевать — тормози, братуха», пішуць «Осторожно, новости».
«Даведаліся, што Макс Корж выступае супраць СВА. Тыя, хто ваюе, адкрыта называюць яго здраднікам, які «плюе нам у твар»», — напісалі «актывісты».
Трэк «С нами или нет» Макс Корж выпусціў у маі 2026 года. У ім ён звяртаецца да свайго таварыша: «Сколько красоты вокруг, ты это знал или нет?»